Deputeti i PDK-së, Bekim Haxhiu ka kërkuar në seancën e sotme që të zgjidhet sa më shpejt çështja e Demarkacionit me Malin e Zi.

Haxhiu ka kërkuar që përcaktimi i vijës kufitare me këtë shtet fqinj të zgjidhet deri në nëntor në mënyrë që qytetarët e Kosovës të mund të lëvizin nëpër Evropë për festat e fundvitit, shkruan arbresh.info.

“Duhet të zgjidhim një problem qe po e mban peng vendin për dy vite dhe po pengon përafrimin  e Kosovës me BE-në. Demarkacioni nuk është vetëm  çështje mes nesh, apo mes nesh dhe Malit të Zi por është çështje strategjike e miqve tanë prandaj ne e kemi për obligim që ta zgjidhim. Ramush Haradinaj, si një patriot dhe që vjen nga një familje që ka dhënë shumë për vendin ta ruajë partneritetin me SHBA-në. Ne demarkacionin duhet ta zgjidhim përpara festive të nëntorit me qëllim që qytetarët tanë të levizin lirshëm për festat e fundvitit”, ka thënë Haxhiu.

Sipas tij, kjo dikujt mund edhe të mos i pelqëj kjo sepse, siç tha, këtë temë e kanë përdorur për kauza politike./arbresh.info/